Citroën денеска ги претстави новите C4 X и целосно електричниот ë-C4 X кои добиваат уникатен и елегантен дизајн и се наменете за клиентите кои бараат алтернатива за хечбек и SUV модел. Следејќи ги стапките на стилскиот целосно нов Citroën C5 X, дизајнот на новите ë-C4 X и C4 X се осмелува да ги оспори традиционалните дефиниции на компактните каросериски модели за да им понуди на клиентите нешто уникатно – вкрстен дизајн кој ја комбинира елегантната силуета на fastback со модерен став на SUV и безвременска префинетост и просторност на 4-врати.
Иако новите ë-C4 X и C4 X се членови на семејството на Citroën од најновата генерација, тие нудат нешто ново, свежо и уникатно за клиентите кои бараат стилски алтернативи на масата на постоечки хечбек и SUV каросериски стилови што веќе се достапни. Со должина од 4600 мм, новите ë-C4 X и C4 X уредно влегуваат во линијата на Citroën помеѓу хечбекот C4 со должина од 4360 мм и C5 X со 4800 мм. Неговото меѓуоскино растојание од 2670 мм е исто како и кај C4 бидејќи и двете се базирани на CMP платформата на компанијата.
Кога се гледа во профил, динамичната линија на покривот на автомобилот тече непречено од горниот дел на шофершајбната до горниот панел на вратата на багажникот за да создаде брза силуета. Задниот панел на вратата на багажникот кој се преклопува надолу кон задниот браник е чист и неоптоварен со интегриран спојлер на врвот, суптилни превиткувања долу и централни букви Citroën.
Новите Citroën ë-C4 X и C4 X го подигнуваат поврзувањето и инфозабавата на следно ниво благодарение на достапноста на целосно новиот инфозабавен интерфејс на Citroën – My Citroën Drive Plus, претставен неодамна на водечкиот Citroën C5 X. Овој интуитивен нов интерфејс користи 10-инчен HD екран и може целосно да се персонализира користејќи систем на „виџети“. Сега веќе познати од паметните телефони и таблет, виџетите обезбедуваат брз начин за гледање на апликациите и содржината на екранот на возилото без да треба да ја отворите апликацијата. Новиот интерфејс има и природно препознавање глас, дигитален асистент кој патниците на возилото можат да го „разбудат“ со командата „Hello Citroën“.
Во кабината, возачот и другите патници ќе уживаат во неспоредливото чувство на спокојство, удобност и простор благодарение на Advanced Comfort искуството на Citroën. Ова е особено забележливо кога седите на задните седишта благодарение на извонредните 198 мм простор за колената во вториот ред и понаведнат (за 27 степени) наслон на задните седишта, додека неговата надворешна ширина од 1.800 мм значи дека тројца луѓе можат удобно да седат рамо до рамо. Уникатниот дизајн на новите Citroën ë-C4 X и C4 X му овозможи на дизајнерскиот тим да создаде импресивен голем простор во багажникот кој обезбедува капацитет од 510 литри.
Невидлив за возачот и патниците, но императив за удобното возење што го доживуваат патниците во новите ë-C4 X и C4 X, е иновативниот и ексклузивен Progressive Hydraulic Cushions систем за суспензијата. Во системот, две прогресивни хидраулични перничиња се користат заедно со амортизерот и пружината на секој агол на возилото наместо механички како во другите автомобили – едното е за компресија, другото за декомпресија (или отскокнување).
Новиот ë-C4 X е опремен со 400 V Li-ion батерии од 50 kW, електричниот погон испорачува 136 коњски сили и 260 Nm вртежен момент. Забрзувањето до 100 км/ч трае 9.5 секунди и максималната брзина изнесува 150 км/ч. Благодарение на неговата мазна и аеродинамична форма, ë-C4 X нуди опсег до 360 километри со едно полнење (според WLTP тестирања).
Новиот C4 X ќе се продава само во избрани пазари (тука е вклучен и македонскиот пазар), со моќни и ефикасни конвенционални мотори. Односно, кај бензинците ќе биде достапен 1.2-литарскиот PureTech турбо мотор со 100 коњски сили и 6-степен мануелен менувач и со 130 коњски сили и 8-степен автоматски менувач. Достапен е и еден дизел, односно 1.5-литарскиот BlueHDi со 130 коњски сили впарен исклучиво со 8-степен автоматски менувач.
Новите Citroën ë-C4 X и C4 X се придружуваат на најновата генерација на модели C4, C5 Aircross и C5 X, нудејќи им на клиентите навистина сеопфатно портфолио на најновите технологии за помош на возачот и безбедност. Достапни се до 20 напредни системи за помош на возачот кои помагаат да се подобри безбедноста при возење и да се направи животот зад воланот или во кабината помалку стресен.
