Како и секоја година така и оваа се одржа настанот Porsche Driving Experience, а јас ја имав таа чест да присуствувам и возам некои од појаките модели на Porsche.
На располагање имаше шест модели, а тоа се:
– Porsche 718 Cayman GTS
– Porsche 911 Carrera S
– Porsche 911 Turbo S
– Porsche Panamera Sport Turismo Turbo S E-Hybrid
– Porsche Macan Turbo (performance package)
– Porsche Cayenne S
Поаѓањето беше од салонот на Porsche Македонија, а крајната дестинација беше Винаријата Тиквеш во Кавадарци, со неколку пропратни застанувања за да може да пробаме повеќе модели. Ми се исполни желбата за првото возило што ќе го возам да биде Cayman GTS кое беше во “Miami Blue” боја која според мене дефинитвно му прилега најдобро!
Cayman GTS има 4 цилиндарски турбо (mid-engine) 2.5 мотор со 365 коњски сили и 317 Nm вртежен момент,а максималната брзина изнесува 290 km/h. Одма штом седнав на возачкото седиште се заљубив во него.Во Normal mode на возење Cayman може да биде супер возило за секојдневна употреба без да имате некакви проблеми. Ставете го во Sport mode и суспензијата станува потврда, издувниот систем станува погласен со многу pops, bangs and crackles кои ви го креваат адреналинот уште повеќе. Управувачот е прецизен и директен и во секое време имате целосна контрола врз возилото што резултира со прееемногу забава во возењето. Од сите возила кои ми беа на располагање Cayman GTS е дефинитивно моето омилено!
Следното возило што го возев беше големиот Cayenne S кој има 2.9 V6 мотор со 440 коњски сили и 550 Nm вртежен момент, максималната брзина изнесува 265 km/h. Бидејки од најмалиот се префрлив во најголемиот модел, одма ја осеќам големината и тежината на Cayenne. Сепак тука возењето е порелаксирано и може многу повеќе да уживате и да поминувате многу километри без проблем. Управувачот е прецизен, суспензијата одлично ги впива сите нерамнини на патот. По неколку изминати километри префрлив во Sport mode за да видам дали големиот SUV може да се однесува “спортски”…ии да, дефинитвно може , во ред не е како да возите 911 или Cayman но, добро ја завршува работата. Нема премногу навалување во кривини и возењето може да ви биде доста забавно. Cayenne e голем и тежок SUV но, сепак го има тој спортски Porsche дух.
Од Cayenne се префрлам во помалиот SUV-моделот Macan Turbo(performance package) со 3.6 V6 мотор со 440 коњски сили и 442 Nm вртежен момент, а максималната брзина изнесува 272 km/h. Овој модел го возев константно во Sport mode бидејќи неможев да одолеам на звукот од издувниот систем и бруталното забрзување кое го има. Едноставно ме остави без зборови, не очекував да има волку одлични перформанси.Управувачот и суспензијата одлично си ја завршуваат работата. Чувството кое го имате при возењето на Macan е како да возите мало спортско возило само што седите малку повисоко од земја. Macan e тип на возило кое што кога ќе влезете, нема да сакате да излезете долго време од него бидејки ќе уживате премногу возејки го.
По кратката тура низ винаријата Тиквеш следува презентацијата за 70 Години Porsche и ручек,a потоа тргаме назад накај Скопје.
Овој пат седнувам зад управувачот на моделот 911 Carrera S кој има 3.0 боксер мотор со 420 коњски сили и 500 Nm вртежен момент, а максималната брзина изнесува 306 km/h. Во Normal mode на возење 911 ќе може да го возите секој ден без никаков проблем, дури и за подолги патувања е исто така комфорен. Додека пак во Sport mode на возење е вистинското уживање! Суспензијата станува тврда, издувниот систем станува многу погласен, педалата за гас реагира инстантно без никакво каснење и сите тие 420 коњски сили ви се достапни веднаш без никаков Turbo Lag. Ја имате целата контрола врз возилото токму како што треба за едно вакво спортско возило кое со сигурност е најдоброто во својата класа.
Последните неколку километри ги поминав на заднато седиште во Panamera Sport Turismo Turbo S E-Hybrid, која воедно е и најјаката изведба со 4.0 V8 мотор со 550 коњски сили плус електричен мотор од 130 коњски сили за вкупни 680 коњски сили и 627 Nm вртежен момент.
Возењето на задните седишта е комфорно, има и доста мултимедијални уреди со кои може да си играте за да не ви биде здодевно или едноставно да се опуштите и уживате во комфорното возење.
Одлично поминат ден со многу дружба и возење!