Во рамките на спектакуларните настани со сензационални иновации на нови модели и заедно со својата светска заедница, BMW M GmbH ги прославува првите пет децении од своето постоење во текот на овие недели и месеци. На 24 мај 1972 година, беше потпишан договор за партнерство за BMW Motorsport GmbH. Точно 50 години подоцна, компанијата сега позната како BMW M GmbH претстави ексклузивна колекција на модели во чест на годишнината.
Со M 50 Jahre изданието на BMW M3 Sedan и M4 Coupe, „М“ ентузијастите ширум светот можат да ја изразат својата страст за трките и нивната свест за традицијата. Ограничените изданија, ексклузивните дизајнерски карактеристики и индивидуално избраните опции за опремата гарантираат дека секое возило може да стане уникатен автомобил што го одразува личниот стил на неговиот сопственик.
Овие ексклузивни и лимитирани модели се засновааат на актуелната генерација на најуспешната серија на модели во историјата на BMW M GmbH. Во светот, ознаките на моделите M3 и M4 се синоним за високи перформанси во премиум сегментот од средната класа. Моделите се придвижуваат од 3.0-литарски шестцилиндричен мотор со моќност до 510 коњски сили. Во зависност од варијантата на моделот, неговата моќ се пренесува на задните тркала преку 6-степен мануелен менувач или 8-степен M Steptronic автоматски менувач со Drivelogic, а како опција достапен е и M xDrive погонот на сите четири тркала.
Ексклузивниот карактер на овие модели е резултат на конфигурација специфична за пазарот со уникатни дизајнерски карактеристики и строго ограничен број на примероци. За надворешните бои на возилата, повторно се издаваат бои кои го одредуваат стилот од историјата на BMW M GmbH. Тие се надополнети со M Forged бандажи во слична ексклузивна шема на бои и впечатливи акценти во внатрешноста.
BMW M4 Coupe 50 Jahre Edition е достапен во следните бои – Carbon Black, Macao Blue, Brands Hatch Grey, Imola Red и San Marino Blue. Експресивниот изглед е зајакнат со 19-инчни forged М бандажи на предната оска и 20-инчни бандажи на задната оска со double-spoke дизајн, кои за прв пат се нудат во боите Orbit Grey Matt и Gold Bronze matt.
Во внатрешноста на M4 Coupe, поставени се ексклузивни елементи како: панели на праговите со натпис „Edition 50 Jahre BMW M“, метална плоча на централната конзола со натпис „M4 Edition 50 Jahre BMW M“ и соодветна ознака на потпирачите за глава на стандардните спортски М седишта и опционалните M карбонски седишта за возачот и совозачот.
Што се однесува за M3 Sedan 50 Jahre Edition – овој автомобил е исклучиво дизајниран само за пазарот во САД и Канада. Вкупни ќе бидат достапни само 500 примероци, а може да се одбере помеѓу пет различни бои за каросеријата, од кои секоја потсетува на еден од неговите пет претходници – Cinnebar Red, Techno Violet, Interlagos Blue, Fire Orange и Limerock Grey. Компонентите, кои се инспирирани од тркачките автомобили во поглед на дизајнот и технологијата, а исто така вклучени во палетата на стандардна опрема, исто така го сочинуваат предниот M Performance Carbon сплитер, задниот M Performance Carbon спојлер и BMW M Performance завршетоци на издувот во Carbon/Titanium.
Внатрешноста се карактеризира со панели на праговите со натпис „Edition 50 Jahre BMW M“, М ленти на потпирачите за глава на предните и задни седишта. Дополнително, ексклузивната шема на шевови ги краси и стандардните спортски M седишта, како и опционално достапните M „bucket“ карбонски седишта. Поставена е и метална плоча на централната конзола со натпис „M3 Edition 50 Jahre BMW M“ и референца „1/500“.
