Во салонот на M Car во Скопје пристигна ултра-лимитираниот BMW XM Label Red! Кој рече дека еден од најконтроверзните автомобили во историјата на BMW не може да биде уште поконтроверзен? BMW XM Label Red е „најдобар“ во секој поглед, буквално и фигуративно. Иако овде имаме работа со најмоќниот автомобил во М дивизијата, тој во никој случај не е и најбрзиот.
Мислам дека нема потреба премногу да се коментира како изгледа XM. BMW сака да ги поларизира своите фанови овие денови, но им успева. Продажбата расте, а клиентите се заинтересирани за нови автомобили. Како што можете да видите, среќата ги фаворизира храбрите. Оваа специјална и лимитирана Label Red верзија комбинира црна мат боја со црвени детали. Тие може да се најдат во решетката, која изгледа како обоена уста, и во форма на странични лајсни кои се протегаат од предните браници па се до Ц столбот. Црвените детали се исто така интегрирани во бандажите и дифузерот одзади. Неговата улога не е ограничена само на изгледот – надолната сила и протокот на воздух исто така играат клучна улога овде.
Кабината, погодувате, исто така е црно-црвена. И многу луксузна, бидејќи покрај кожен тапацир и алкантара, овде наоѓаме, на пример, перници на задниот „тросед“. Покрај тоа, сето ова е украсено со многу елементи во специјален M карбон и други материјали со „спортски“ карактер.
BMW XM Label Red највеќе импресионира со моќта и способностите, но не е најбрзиот автомобил во гамата на марката. Овде, инженерите на марката истиснаа вкупно 748 коњски сили и луди 1000 Nm вртежен момент од S68 моторот – 4.4-литарски V8. Интересно е што моќноста на електричните единици не е променета и се уште е 197 коњски сили. А тоа значи дека дополнителната моќност е ефектот на засилување на V8 бензинскиот мотор. Исто така, благодарение на батеријата од 25.7 kWh, само на струја може да се поминат до 83 километри.
Моќта се испраќа на сите четири тркала, иако задната оска е „фаворизирана“. Плус, распределбата на тежината е 50:50. Единствениот проблем е големата тежина, која го ограничува потенцијалот на автомобилот и напротив ја инхибира неговата способност за кривините. од 0 до 100 км/ч забрзува за 3.8 секунди, а максималната брзина е електронски ограничена на 250 км/ч. Значи, не може да се жалите на недостаток на перформанси.
BMW XM Label Red ќе биде произведен само во ограничен број од 500 примероција, што го прави навистина редок модел, а еден ваков примерок да пристигне во Македонија е навистина за пофалба.
