Македонскиот дизајнер Славче Таневски на саемот за автомобили во Женева, пред светската јавност утрово премиерно го претстави своето ново дело, Mercedes-Benz CLA Shooting Brake.
Интересно е што својата презентација ја почнува со своите први цртежи од само 2-годишна возраст, кусо објаснувајќи ги своите визуализации за автомобилите. Инаку, тој е еден од најмладите членови на врвниот тим на дизајнери на Mercedes-Benz каде досега самостојно креираше неколку модели за најстариот автомобилски бренд во светот.
Новиот CLA Shooting Brake во споредба со претходниот модел е 48мм подолг, 53мм поширок, 2мм понизок и меѓуоскиното растојание е зголемено за 30мм што значи сега има многу повеќе простор во кабината. Дизајнот е скоро ист како кај CLA Coupé, а она по што се разликуваат овие два модела е задниот дел.Shooting Brake моделот го има тој каравански изглед, но сепак изгледа доста убаво и интересно.Багажникот располага со 505 литри што е за 10 литри повеќе од претходниот модел.
Кога станува збор за технологии-CLA Shooting Brake ги добива сите најнови системи како што се Active Park Assist, Active Steer Assist, Аdaptive dampers, Active Distance Assist, Active Lane Change Assist, новиот MBUX infotainment систем и многу други…
Достапни се неколку бензински и дизел мотори кој може да ги земете со мануелен или автоматски менувач. Сега за сега најмоќната верзија е CLA 250 која има 2.0 турбо-бензински мотор со 225 коњски сили и 350Nm вртежен момент-подоцна оваа година се очекува да има и AMG изведба од CLA Shooting Brake.
