BMW ја претстави новата Серија 1. Новата трета генерација, претрпе драматична трансформација од моментот кога овој модел беше за прв пат претставен во 2004 година. Слушајќи ги забелешките и потребите на потрошувачите, BMW се насочија кон зголемена практичност, затоа новата Серија 1 е поголема од сите свои претходници.
Главен “виновник” за зголемената практичност е тоа што сега новиот “кец” е со погон на предните тркала. Иако ја делат технологијата со MINI, одговорните лица во BMW тврдат дека направени се измени на шасијата како би се задржала динамиката во возењето како една е најпрепознатливите карактеристики на компанијата.
“И доколку ја имавме, немаше да ја одбереме опцијата за погон на задни тркала, бидејќи тоа што го имплементиравме е несомнено подобар систем” – изјави Jochen Schmalholz, продукт менаџер на BMW 1 Series. “Двете главни причини за купување беа спортски дизајн и возачка динамика; ова возило ќе биде бенчмарк во својата класа од тој поглед”.
Промените во внатрешноста се најзабележителни на задната клупа, каде што има 33mm повеќе простор за нозете и 19mm повеќе простор за главата. Внатрешноста е збогатена со нови технологии и дизајн кои се “украдени” од поголемата Серија 3. Претставена е нова инструмент табла од 10.25 инчи, како и 9.2 инчи head-up дисплеј и 10.25 инчи infotainment дисплеј, кои се дел од додатната опрема.
Должината на возилото сега изнесува 4.319мм што е за 5мм помалку од претходниот модел, широчината е зголемена за 34мм и сега е 1.799мм, меѓуоскиното растојание е зголемено за цели 20мм и сега изнесува 2.670мм.
Кога сме веќе кај “позајмувањето” може да се каже дека дел од надворешноста е инспирирана од новата BMW Серија 3. На прв поглед кон новата предница на овој автомобил, новите “бубрези” се првото нешто кое го привлекува вниманието, како и новите фарови кои можат да се нарачаат како Full LED опција (интересна појава во сечиј ретровизор).
Под хаубата може да се најде варијација од мотори. Почнувајќи од entry-level 1.5-литарскиот дизел мотор(116d) или 1.5-литарскиот entry-level бензински мотор(118i) па се до врвната изведба М135i со зафатнина од 2000 кубни сантиметри (наместо досегашните 3000) и 310 коњски сили, комбинирани со 8 степен автоматски менувач и погон на сите 4 тркала – xDrive со поделба на силата 50:50 помеѓу предната и задната оска, со што директни конкуренти му се новата Mercedes-AMG A 35, VW Golf R како и Audi S3.
