Nissan Z NISMO покажува дека Јапонците сè уште можат да прават аналогни спортски автомобили. Тука има моќен V6 мотор, погон на задните тркала и автоматски менувач. Ништо друго не е потребно.
Ваквите автомобили стануваат се поретки и поретки. Уште повеќе вреди да се обрне внимание на нив, особено кога во името се појавува иконската кратенка. Nissan Z NISMO истиснува 100% од можностите на новата „зета“. Има поголема моќност, подобрена суспензија и нов менувач. Сето ова за да го направи возачкото искуство што е можно поавтентично.
Nissan Z NISMO е аналогна машина која некако го најде својот пат до нашето време. Искрено признавам дека сум љубопитен за можностите на овој автомобил. Јапонците создадоа автомобил кој во споредба со многу сегашни „конкуренти“ изгледа како буквално да е изваден од минатото – и тоа е најдоброто нешто во него.
Што нуди Nissan Z NISMO? Како прво, малку повеќе коњски сили. Додадени се 20 коњски сили повеќе, благодарение на што возачот тука има 420 коњски сили под десната нога. Вртежниот момент исто така е зголемен на 520 Nm. Најважното е што се добива во широк опсег на вртежи – од 2000 до 5200 вртежи во минута.
Со поголема моќност доаѓа и подобро ладење. Интересно, ова се во основа сите модификации на овој мотор. Овде нема да најдеме ковани клипови или преработена глава на цилиндрите. Ова сугерира дека единицата VR30DDTT што се користи овде, делумно поврзана со моторот од GT-R, има навистина голем потенцијал.
Моќта се пренесува на задните тркала преку 9-степен автоматски менувач. За жал, ова е единствениот менувач достапен на овој автомобил, што малку ќе ги разочара пуристите. Сепак, не можете да се пожалите, бидејќи Nissan ветува брзи промени на брзините и добро прилагодување на софтверот на моторот.
Новите преработени делови во суспензијата и каросеријата се исто така клучни. Тие го прават Nissan Z NISMO поефикасен. Модификациите за овој автомобил се од „старата школа“. На пример, предниот браник, кој има малку издолжен „нос“ и потенка решетка, обезбедува различен проток на воздух. Како резултат на тоа, моторот добива повеќе од тоа, а надолната сила на предната оска е на повисоко ниво.
Истото е направено и одзади, каде што дискретен спојлер на капакот на багажникот, во комбинација со дифузер, обезбедува помало подигнување на оската при големи брзини и поголема стабилност при возењето. Гумите Dunlop SP Sport Maxx GT600 се одговорни за контакт со асфалтот, кои се со Rays бандажи од 19-инчи.
Има и поцврсти стабилизатори и пружини, различно наместени амортизери и засилено тело. Nissan го вели тоа директно – сето тоа е направено за луѓе кои сакаат да возат на патеката. Со NISMO нема да има проблеми да се напаѓаат рабниците на брзите тркачки патеки.
Кога возите брзо, можете да го цените и системот за сопирање развиен од Akebono. Дискови од 15 инчи се користат напред и 13,8 назад. Работат со 6-клипни шепи напред и 4-клипни шепи одзади.
Што друго можеме да најдеме во овој автомобил? Во кабината, ова се првенствено седишта Recaro, кои обезбедуваат многу подобра странична поддршка. Има и нова графика на дигиталната инструмент табла. Промените во софтверот овозможуваат пристап до режимот на возење Sport+, приспособен за овој автомобил кој ви овозможува да извлечете 100% од автомобилот.
Новиот Z NISMO ќе биде достапен во 5 бои: Passion Red, Brilliant Silver, Black Diamond Pearl, Everest White Pearl и Stealth Grey.
За жал, Nissan одлучи овој автомобил да не го нуди на европскиот пазар, а тоа значи дека нема да имаме шанса да го видиме или пробаме. Голема штета…Новите ригорозни еко норми направија се поголем дел од автомобилските производители да ја скратат понудата на вистински спортски автомобили во Европа.
