Делфино Мобилити Груп – застапникот за брендовите Geely и Lynk & Co официјално ги отвори новите продажни салони за овие брендови. Локацијата на салоните е во градскиот стадион, односно националната арена Тоше Проески.
Она што е навистина за пофалба е тоа што и двата продажни салони не наликуваат на „класични“ автосалони, тука приказната е сосема различна и внатрешниот дизајн остава доста интересен впечаток.
Во салонот на Geely – сега за сега се изложени два модели, односно Coolray и Starray. Но во текот на годината понудата треба да биде збогатена со неколку нови модели.
Во салонот на Lynk & Co атмосферата е малку поразлична и некако „полуксузна“, а има и доста интересен и несекојдневен концепт. Тука изложен е веќе добро познатиот PHEV модел 01. Наскоро понудата ќе биде збогатена и со целосно новиот електичен 02.
Ваквите несекојдневни продажни салони и исто така со несекојдневна локација се реткост во нашата држава, па идејата на Делфино Мобилити Груп да отвори нешто вакво навистина заслужува пофалба. Дури и да не сте во потрога по купување на нов автомобил, овие два салони мора да ги посетите, а може и да се напиете кафе во една несекојдневна атмосфера бидејќи во склоп на салоните има и кафуле.
