Дебитираше нова освежена верзија за бестселерот на Hyundai, односно SUV моделот Tucson. За корејската компанија, ова е еден од најважните модели. За 3,5 години се произведени 750.000 примероци од овој теренец, а ова е само загревање. Hyundai Tucson за 2024 година доби голем број промени што ги очекуваа клиентите. Подобрен е не само надворешниот стил, туку пред се внатрешноста. На ова се додадени голем број нови технологии. Еве сè што треба да знаете за освежениот Tucson.
Во однос на надворешниот стил – овде нема револуција, но внимателното око ќе забележи многу нови елементи. Најпрво редизајниран е карактеристичниот преден дел, менувајќи ја формата на решетката и LED дневните светла. Сега тие се понагласени и поаголни. Сето ова за да го доближи стилот до другите нови производи на брендот.
Задниот дел, пак, доби само нов браник. Значи тука клучните елементи се оставени „како и обично“. Како дел од фејслифтот, Hyundai воведува и нови бои: Cypress Green Mineral Effect, Ecotronic Grey Mineral Effect, Ultimate Red Metallic и Sailing Blue Mineral Effect. Ќе има и поинтересни дизајни на алуминиумски бандажи.
Најголемата промена е внатрешноста, која е дизајнирана „од нула“. Овде се земени предвид критиките на клиентите. Пред сè, обликот на контролната табла е поедноставен и екранот на мултимедијалниот систем е поместен повисоко. Сега формира една целина со екранот за инструментите – и двата екрани се со големина од 12,3 инчи. Под нив ќе го најдете панелот за климатизација, со клучните физички прекинувачи оставени на врвот.
Освежениот Hyundai Tucson има и нови погонски единици. Овде најверојатно ќе видиме опсег прилагоден на новите стандарди за CO2. Тоа значи малку помала моќност, за 15-20 коњски сили во зависност од варијантата. Ќе има и неколку други промени. Tucson ќе добие plug-in хибрид само во верзија со погон на предните тркала. Досега беше достапен само во верзијата со AWD погон. Оваа промена треба да се претвори во помала потрошувачка на гориво и подолг досег – и ова е нешто што многу луѓе ќе го ценат.
Новиот Tucson ќе се појави во салоните поблиску до средината на оваа година. Наскоро би требало да се дознаат неговите цени и деталната опрема. Овде очекувајте помали или поголеми зголемувања – не може да сметате на одржување на тековните цени…
