BMW веќе 20 години прави safety car автомобили за MotoGP, а сега најновиот автомобил е М8 Competition. Овој модел своето деби го имаше овој викенд на трката во Австрија, на Red Bull Ring патеката.
Автомобилот е перфектен за високите побарувања на MotoGP. Под хаубата, се крие истиот мотор кој го користи BMW M5 од 2018 година, 4,4-литарски твин-турбо V8 кој развива 625 коњски сили. Забрзувањето од 0 до 100 км/ч трае 3.2 секунди, а максималната брзина која може да ја постигне овој модел е 300 км/ч.
Додека стандардниот автомобил доаѓа со доста богата технологија, вклучително и погонот на сите четири тркала опремен со Drift Mode режимот, BMW сепак направи некои измени на овој модел. Додадени се голем број на BMW M Performance делови за подобрена аеродинамика, ладење и тежина. Новите елементи вклучуваат карбон-титаниум спортски издув- кој звучи толку добро како и тркачките мотори, roll cage, тркачки Recaro седишта, Michelin Pilot Sport 4s гуми, нова моторспорт хауба, огромен заден спојлер превземен од тркачкиот M8 GTE, многу MotoGP стикери и голема LED светлосна лента на покривот. Безбедноста никогаш до сега не изгледала волку агресивно!
Новото M8 safety car возило е замена за M5 на MotoGP трките, додека на Formula E трките safety car е уникатното BMW i8 Speedster. Браво за BMW, навистина знаат да направат одлични safety car автомобили!
