Вчера вратите за работа ги отворија и им посакаа добредојде на своите посетители комплетно новите салони за продажба на Nissan, Renault i Dacia, лоцирани на ул. Скупи бр.14 дизајнирани согласно стандардите на престижните брендови.
Освен свеченото отворање на продажните салони, имаше и неколку други премиери. Да започнеме со целосно новата генерација на Dacia Duster, која отсега е достапна и на македонскиот пазар.
Новиот Dacia Duster е многу попривлечен визуелно, има поубав и поквалитетен ентериер и за прв пат користи хибриден погон. Новиот Duster се фокусира на модерни, аголни линии кои се изведени во директна линија од прототипот Bigster. Во однос на димензиите, овде може да се види интересниот пристап на брендот. Додека вкупната должина на овој модел остана речиси непроменета и изнесува 4.343 мм (претходникот е 4.341 мм), меѓуоскиното растојание… е скратено за 16 мм. И покрај ова, има повеќе простор во кабината и багажникот порасна – има капацитет од 472 литри.
Внатрешноста на новиот Duster остава добар впечаток. Ова е сосема нов концепт. Целокупниот дизајн потсетува на Dacia Sandero, но е изменет и модернизиран за теренецот. Пред се, она што овде се издвојува е мотивот на буквата Y, кој повторно ќе го видиме на многу елементи.
Во однос на понудата на мотори кај новиот Dacia Duster – време е за револуција. Како прво, повеќе нема да видиме дизели под хаубата. Dacia, по примерот на Renault, се откажа од дизел моторите. Второ, овде за прв пат ќе се појави хибриден погон. Основниот мотор е 1.0 TCe ECO-G. Ова е верзија со 100 коњски сили и со фабричка инсталација на ТНГ. Вториот клучен погон ќе биде новата верзија на 1.2 TCe моторот кој испорачува 130 коњски сили. Понудата на новиот Dacia Duster ќе ја комплетира хибриден погон со 140 коњски сили.
Втората премиера е новиот освежен Nissan Juke. Освежениот Nissan Juke дебитира со подобрена внатрешност, малку освежена надворешност и жолта боја. Да, ова е една од најважните промени во овој автомобил.
Освежениот Nissan Juke е жолт, помодерен и визуелно речиси непроменет. Мора да се признае дека овој јапонски бренд создаде навистина успешен производ. И покрај тоа што годините летаат, Juke се уште изгледа добро и свежо. Ова е веројатно неговата најголема предност, бидејќи фејслифтот беше ограничен на нова боја и воведување на неколку дополнителни дизајни на бандажи. Новата N-Sport верзија сега ја комплетира гамата на модели. Ќе го препознаете по бандажите од 19-инчи, црниот покрив и сребрените детали на каросеријата. Исто така, стандардно нуди комплетна опрема.
И третата премиера е новиот фејслифт Nissan Qashqai. Нова каросерија, освежен ентериер и цел сет на напредни системи за поддршка на возачот – вака накратко може да се опишат промените што ги претрпе Nissan Qashqai. Целосно новиот преден дел, со карактеристична решетка и специфични светла, сега ќе биде карактеристика на овој модел. Јапонците овде избраа агресивни линии кои привлекуваат внимание – и ова може да биде голема предност.
Задниот дел се одликува со новите проѕирни светла со „интензивно црвени“ светла кога светат, а во крилата на тркалата има нови дизајни на бандажи кои се движат од 17 до 20 инчи. Сето ова е надополнето со интересни нови бои за каросеријата. Nissan овде избира две смели нијанси – Deep Ocean (тиркизно-сина) и Fuji црвено. Вкупно ќе добиеме пет бои – Pearl White, Deep Ocean, Fuji Red, Magnetic Blue и Ceramic gray.
Внатрешноста има различни завршни материјали и нов екран на мултимедијалниот систем. Во врвните верзии, вклучувајќи ја и новата N-Design варијанта, можеме да најдеме елементи од контролната табла, панелите на вратите и седиштата покриени со Алкантара. Променети се и украсните ленти на централната конзола и централниот тунел.
Вчера во присуство на бизнис партнери, соработници и пријатели свечено се отвори и започна со работа и новиот Аутомотив груп сервисен центар лоциран на ул Вангел Начевски бр 40 во Визбегово. На површина од 4.950 метри квадратни изградени се 2.300 метри квадратни составени од сервис и механика.
Изградени се автолакерски и лимарски сервис кој содржат 18 работни дигалки и две комори и пред комори направени по најсовремените еколошки стандарди со прочистителни станици и употреба на еколошко гориво – ГАС каде вработуваме 50 нови работни места.
Како општествено одговорна компанија која секогаш се залага за заштита на човековата околина, за потребите на центарот употребена е последна технологија на воздушни и топлински пумпи за греење и ладење со најдобар коефициент на енергетска вредност инсталирана е фотоволтаична електроцентрала со можност од 180KW.
“Градејќи во еден период полн со предизвици предизвикани од ковид пандемијата кога сите активности беа запрени, ние не застанавме , исправени пред сите предизвици успеавме да изградивме нов центар со цел да го придвижиме тркалото , да дадеме надеж на сите наши вработени, соработници , идни генерации – изјавија од компанијата .
