Иднината на Volvo Cars е електрична, а новиот Volvo C40 Recharge е последната манифестација на посветеноста кон иднината со нулта емисија на штетни гасови.
C40 Recharge ги има сите придобивки на SUV, но со понизок и елегантен дизајн. Се базира на платформата CMA и ова е првиот модел во историјата на Volvo кој е дизајниран како чист електричен модел. По претставувањето на XC40 Recharge и сега новиот C40 Recharge, Volvo Cars во наредните неколку години ќе претстави уште неколку дополнителни електрични модели. Веќе до 2025 година, целта е 50% од глобалниот обем на продажба да се состои од целосно електрични автомобили, а останатите да бидат хибриди. До 2030 година, Volvo планира секој автомобил што ќе го продаде да биде чистo електричен.
„C40 Recharge ја претставува иднината на Volvo и покажува каде одиме“, рече Henrik Green, главен директор за технологија. „Тој е целосно електричен, се нуди онлајн само со „convenient care package“ и ќе биде достапен за брза испорака. Да се добие ново Volvo никогаш до сега не било толку привлечно “.
Задниот дел на C40 Recharge се одликува со впечатлив дизајн, кој одговара на опаѓачката линија на покривот, додека новиот преден дизајн претставува ново лице за идните електрични модели на Volvo и вклучува светла со „state-of-the-art pixel“ технологија.
Внатре, C40 Recharge им овозможува на клиентите висока позиција за седење каква што преферираат повеќето возачи на Volvo, а достапни се и неколку опции на бои и декоративни елементи кои се уникатни само за овој модел. Тој е исто така првиот модел на Volvo кој е целосно без кожа. Како и XC40 Recharge, C40 Recharge доаѓа со еден од најдобрите инфо-забавни системи на пазарот, заеднички развиен со Google и базиран на оперативниот систем Android. Тоа им овозможува на потрошувачите вградени апликации и услуги на Google, како што се „Google Maps“, „Google Assistant“ и „Google Play Store“. Неограничената дата овозможува врвна поврзаност и C40 Recharge ќе добие ажурирање на софтвер преку воздух. Тоа значи дека ќе продолжи да се подобрува со текот на времето откако ќе ја напушти фабриката.
Погонот се состои од два електромотори, еден на предната и еден на задната оска, напојувани од батерија од 78kWh што може да се наполни до 80 проценти за околу 40 минути. Опсегот со едно полнење изнесува околу 420 километри, а со текот на времето преку надградба на софтверот преку воздух се очекува да се подобри.
Како што беше најавено претходно денес, целосно електричниот C40 Recharge ќе биде достапен за нарачка само онлајн. Во согласност со својата амбиција да ја намали комплексноста во понудата на модели и да се фокусира на привлечни претходно избрани варијанти, Volvo Cars драстично ја поедностави понуда за C40 Recharge.
C40 Recharge ќе започне со производство оваа есен и ќе се произведува заедно со XC40 Recharge во фабриката за производство на Volvo Cars во Гент, Белгија.
