Toyota ја проширува својата гама на Yaris Cross со воведување на нова GR Sport верзија инспирирана од достигнувањата на TOYOTA GAZOO Racing во повеќе светски шампионати. Со ексклузивни надворешни и внатрешни карактеристики и реконструирана суспензија за поостро и подобро управување, Yaris Cross GR Sport ја проширува привлечноста на моделот до поширок опсег на клиенти.
Од надвор, новиот Yaris GR Sport се одликува со нови 18-инчни алуминиумски тркала со 10 краци со светлo обработена завршница. Спортските детали вклучуваат и нов заден дифузер и предна решетка со ексклузивен дизајн во сјајно црна боја и дискретна GR ознака. Новата Dynamic Grey боја е препознатливата боја на GR Sport, дополнително достапна како bi-tone опција со контрастен црн покрив и столбови.
Во кабината, предните спортски седишта имаат нов сив тапацир со црвени шевови, а слични светли шевови се прикажани на воланот и рачката на менувачот. Премиум GR Sport црни перфорирани Ultrasuede седишта со црвени шевови се исто така достапни како опција. Логото GR е истакнато на предните потпирачи за глава, копчето за стартување, инструмент таблата и воланот.
Yaris Cross има докажана основа благодарение на GA-B платформата – истата платформа од стандардниот Yaris. Ова овозможува низок центар на гравитација, високо цврсто тело и избалансирана шасија. Во GR Sport верзијата, перформансите се заострени со повторно рекалибрирање на суспензијата, давајќи му на возачот подобро чувство на управување.
Yaris Cross GR Sport е придвижуван од високоефикасниот трицилиндричен 1.5-литарски Hybrid Dynamic Force мотор на Toyota. Високиот сооднос на компресија 14:1 и контролите на температурата и притисокот му помагаат на моторот да постигне висока термичка ефикасност од 40%. Овој мотор испорачува 116 коњски сили и 120 Nm вртежен момент, силата се пренесува преку e-CVT автоматски менувач. Забрзувањето од 0 до 100 км/ч трае 11.2 секунди и максималната брзина е електронски ограничена на 170 км/ч.
Како модел од висока класа, позициониран заедно со Yaris Cross Elegant и Adventure, Yaris Cross GR Sport има богата стандардна опрема, вклучувајќи двозонска контрола на климата, греење на предните седишта и задни затемнети стакла. GR Sport е опремен и со пакетот Toyota T-Mate со напредни функции за активна безбедност и помош на возачот.
