Денес, Porsche ја претстави најновата генерација на ултра-спортскиот 911 GT3 RS. Основата за значително зголемување на перформансите е концептот на централен радијатор – идеја што првпат се користеше во победничкиот Ле Ман 911 RSR и последователно во 911 GT3 R. Наместо распоредот со три радијатори што се гледаше во претходните автомобили, новиот 911 GT3 RS се потпира на голем аголен централен радијатор во носот на автомобилот, позициониран таму каде што се наоѓа багажниот простор на другите модели на 911. Ова овозможи да се искористи просторот ослободен од страните за да се интегрираат активните аеродинамички елементи.
Континуирано прилагодливите крилни елементи во предното и на дводелното задно крило, во комбинација со голем број други аеродинамички мерки, обезбедуваат 409 килограми вкупна надолна сила при 200 km/h. Ова значи дека новиот 911 GT3 RS генерира двојно повеќе надолна сила од неговиот претходник од генерацијата 991.2 и три пати повеќе од сегашниот 911 GT3. При 285 km/h, вкупната надолна сила е 860 килограми.
Систем за намалување на отпорот (DRS) е вграден во сериско Porsche за прв пат до сега. За да се постигне мала отпорност и поголеми брзини на прави делови од патеката, DRS овозможува да се израмнат крилата со притискање на копче, во одреден опсег на работа. Функцијата на воздушната сопирачка се активира за време на итно сопирање при големи брзини: елементите на крилата напред и назад се поставени на максимум, создавајќи ефект на аеродинамично забавување што значително ги поддржува сопирачките на тркалата.
Изгледот на новиот 911 GT3 RS се карактеризира со големиот број функционални аеродинамички елементи. Најистакнатата карактеристика на спортскиот автомобил GT е задниот огромен спојлер, кој е значително поголем во сите димензии. Задниот спојлер се состои од фиксно главно крило и горен хидраулично прилагодлив елемент. За прв пат на сериско возило на Porsche, горниот раб на задниот спојлер е повисок од покривот на автомобилот. Покрај тоа, предниот дел на 911 GT3 RS веќе нема преден спојлер, туку има преден сплитер кој го дели воздухот што тече одозгора и одоздола. Страничните елементи точно го насочуваат воздухот нанадвор, додека вентилацијата на предните тркала е обезбедена преку отворите во предните крила.
Во новиот 911 GT3 RS, отворите на задниот страничен панел се користат исклучиво за подобрување на аеродинамиката, а не за вовлекување на процесниот воздух. Крилата на задните тркала имаат и довод за оптимизиран проток на воздух. Задниот дифузор доаѓа од 911 GT3 и е специјално прилагоден за RS верзијата.
Дури и новата суспензија е направена за подобра аеродинамика. Бидејќи крилата на тркалата на новиот 911 GT3 RS се предмет на моќни струи на воздух, компонентите на предната оска со „double-wishbone“ се дизајнирани со профили во форма на солза. Овие аеродинамички ефикасни врски ја зголемуваат надолната сила на предната оска за околу 40 килограми при максимална брзина и инаку се користат само во апликации за мотоспорт од високата класа. Поради пошироката патека (29 милиметри поширока од 911 GT3), предната оска е исто така соодветно подолга.
911 GT3 RS нуди три режими на возење: Normal, Sport и Track. Во Track режимот, основните поставки може поединечно да се прилагодат. Меѓу другите поставки, амортизацијата за враќање и компресија на предната и задната оска може да се прилагоди одделно и во неколку фази. Задниот диференцијал може да се подесува и преку ротациони контроли на воланот. Ова е направено брзо и интуитивно со концепт за работа и приказ, исто така позајмен од мотоспортот.
На воланот се наоѓаат четири индивидуални ротациони контроли и копче за DRS системот. Овие ротациони контроли се јасно прикажани преку графика во групата инструменти за време на процесот на прилагодување. Индикаторите за менување брзини лево и десно од аналогниот тахометар се исто така земени од GT3.
4.0-литарскиот атмосферски мотор е дополнително оптимизиран во споредба со 911 GT3. Зголемувањето на моќноста која сега изнесува 525 коњски сили се постигнува првенствено преку новите брегасти вратила со модифицирани профили. 7-степениот Porsche Doppelkupplung (PDK) има пократок вкупен однос на менувачот од 911 GT3. Воздухот на долниот дел од каросеријата гарантира дека менувачот може да издржи дури и екстремни оптоварувања при честа употреба на тркачка патека. 911 GT3 RS забрзува од 0 до 100 км/ч за 3.2 секунди и достигнува максимална брзина од 296 км/ч.
На предната оска се користат алуминиумски моноблок сопирачки со фиксна шепа со по шест клипови и дискови со дијаметар од 408 мм. Во споредба со 911 GT3, дијаметрите на клипот се зголемени од 30 на 32 мм. Дополнително, дебелината на дисковите е зголемена од 34 на 36 мм. Задната оска и понатаму е опремена со со четири клипни сопирачки и дискови од 380 мм.
Пакетот Weissach, кој е достапен како дополнителна опција, вклучува значително повеќе карбон елементи. Предниот капак, покривот, делови од задното крило и горната обвивка на надворешните ретровизори имаат завршница од карбон. Предните и задните anti-roll барови се направени од CFRP и придонесуваат за дополнително подобрување на динамиката на возење. rollover барот, конструиран за прв пат од CFRP, заштедува околу шест килограми во споредба со челичната верзија. Дополнително, со пакетот Weissach се добиваат и лопатки за менување на брзини на воланот кои се со магнетна технологија добиена од моторспортот. Ова ги прави менувањата на брзини уште подинамични благодарение на попрецизната точка на притисок и јасно забележливото кликнување. Опционално со пакетот Weissach се достапни и тркала од магнезиум, кои заштедуваат уште осум килограми.
