Визуелниот изглед на Taycan Cross Turismo е тесно заснован на концепт студијата Mission E Cross Turismo презентирана на меѓународниот саем за автомобили во Женева во 2018 година. Особено силуетата е дефинирана со спортска, опаѓачка линија на покривот кон задниот дел – наречена „flyline“ од дизајнерите на Порше. Дизајнерските off-road елементи вклучуваат екстензии во сјајно црна боја на крилата, уникатни долни елементи напред и назад, како и уникатни странични прагови. Во комбинација со пакетот за Off-Road Design, Cross Turismo има специјални додатоци на аглите на предниот и задниот браник, како и на краевите на праговите. Овие додатоци создаваат уникатен изглед на екстериерот, а обезбедуваат и заштита од удари на камења. Како и спортскиот Taycan, така и новиот Cross Turismo има иновативни елементи како што е натписот на Porsche со стаклен ефект во светлосната лента.
Дизајнерските контури познати од спортскиот Taycan може да се најдат и во внатрешноста на Cross Turismo: горните и долните делови на контролната табла во форма на крило се протегаат по целата ширина на автомобилот. Самостојниот, заоблен инструмент кластер ја формира највисоката точка на контролната табла. Централен 10,9-инчен инфо-забавен дисплеј и дополнителен, опционален дисплеј на совозачот се комбинираат за да формираат интегрирана стаклена лента во црниот панел. Во комбинација со Off-Road Design пакетот, на горниот дел од контролната табла е поставен компас.
Интегрираната „Porsche 4D Chassis Control“ ги анализира и синхронизира сите системи на шасијата во реално време. Porsche користи централно мрежен контролен систем за шасијата на Taycan Cross Turismo. Адаптивна воздушна суспензија со технологија со три комори, вклучително и електронски систем за контрола на амортизерите PASM (Porsche Active Suspension Management) е стандардно вграден во сите модели на Taycan Cross Turismo. Воздушната суспензија стандардно вклучува и функција „Smartlift“. Ова му овозможува на возачот лесно да го програмира системот, така што висината на автомобилот автоматски се зголемува на одредени локации што се повторуваат, како што се нерамнините на патиштата. Таквите локации може да се зачуваат со едноставно притискање на копчето за контролирање на шасијата.
Taycan Cross Turismo доаѓа како стандард со дополнителен Gravel mode режим на возење. Во овој режим, висината на автомобилот е зголемена за 30 милиметри во споредба со стандардниот Taycan. Gravel mode режимот, исто така, влијае на Porsche Active Suspension Management (PASM), Porsche Traction Management (PTM), Porsche Torque Vectoring Plus (PTV +) и Porsche Stability Management (PSM), како и на преносот на задната оска. Операциите за промена на преносот се оптимизирани за да се обезбеди максимална тракција. Карактеристиките на педалата за гас се специјално дизајнирани за возење надвор од патот, во смисла на испорака на моќност и прецизна контрола.
Taycan Cross Turismo работи со системски напон од 800 волти (опсег на напон од 610 V до 835 V) наместо 400 V што е вообичаено за електричните автомобили. Стандардната „two-deck Performance Battery Plus “ содржи 33 модулски ќелии кои се состојат од по 12 индивидуални ќелии (вкупно 396). Вкупниот капацитет е 93,4 kWh. Сите модели на Taycan Cross Turismo имаат два електромотори, едниот е поставен на предната, а вториот на задната оска, а тоа овозможува стандарден погон на сите четири тркала. Опсегот и континуираната моќност на погонот имаат корист од високата ефикасност на трајно синхронизираните мотори. Електричниот мотор, менувачот и „pulse‑controlled“ инвертер се комбинирани во компактен погонски модул. Исто така и моќноста на рекуперација е зголемена до 290 kW, ова е значително повисоко од моќта на рекуперација на конкурентите.
Од самиот почеток, Taycan Cross Turismo е достапен во четири верзии – Taycan 4 Cross Turismo со моќност од 380 коњски сили (со overboost power 476 коњски сили), Taycan 4S Cross Turismo со моќност од 490 коњски сили(со overboost power 571 коњски сили), Taycan Turbo Cross Turismo со моќност од 625 коњски сили (со overboost power 680 коњски сили) и Taycan Turbo S Cross Turismo со моќност од 625 коњски сили (со overboost power 761 коњски сили).
