Audi A4

Најпродаваниот модел на Audi неодамна доби фејслифт, а новиот модел сега пристигна и во Македонија. Во споредба со претходниот модел, овој нов модел има променет надворешен и внатрешен изглед, како и нови мотори и нови технологии.

Најголемите промени се на предниот дел, добива поголеми отвори за воздух заедно со целосно нов преден браник, а маската сега е поширока и е поставена пониско од порано и во зависност од нивото на опрема се добива различен дизајн. Нови се и предните LED светла кој сега се стандард на сите модели, а како опција достапни се Matrix LED светла. Назад, исто така, добива нов браник и нови LED задни светла кои се слични со тие напред. Предните и задните крила сега добиваат поостри рабови над тркалата. Со промените на каросеријата новиот А4 е 5мм поширок и 22мм подолг од претходниот модел. А само хаубата, багажникот и покривот остануваат непроменети, секој друг дел од возилото е комплетно нов.

Внатре, ентериерот останува многу сличен како и до сега, но дисплејот за infotainment системот е поголем и е поставен на горниот дел од централната конзола. Големината на новиот дисплеј е 10.1 инчи и сега има подобра графика и екран осетлив на допир. Старото тркалце за infotainment системот кое беше поставено во средината на централната конзола е тргнато и на тоа место сега е поставен менувачот. Виртуелниот кокпит, исто така е малку дотеран и има различни дизајни. Head-up дисплеј е достапен како опција и како и до сега достапни се голем број на опционални пакети за понатамошна надградба на ентериерот.

Најбитните новости овој пат се под хаубата, освен 2.0-литарскиот(40 TDI) и 3.0-литарскиот(50 TDI) дизел моторите, сите други добиваат mild-hybrid технологија. Новиот 2.0-литарски дизел мотор(35 TDI) кој има 163 коњски сили, како и три 2.0-литарски турбо-бензински мотори ( 35 TFSI со 150КС, 40 TFSI со 190КС и најјакиот 45 TFSI со 245КС), отсега се опремени со 12-волтен електричен систем за mild-hybrid системот.
Спортската S4 верзија, наместо стариот 3.0-литарски V6 турбо-бензинец, сега добива 3.0-литарски TDI дизел мотор со 346 коњски сили и 48-волтен mild-hybrid систем кој развива 700 Nm вртежен момент.

За повеќе информации околу возилото посетете го продажниот салон на Audi!

ГАЛЕРИЈА

Виктор Чемерикиќ

Виктор Чемерикиќ

Љубител на автомобили уште од 1997, основач на вебсајтот ”CarsByVik” и професионален автомобилски фотограф.

Остави коментар