Со новиот MG4 кој е заснован на новоразвиената MSP платформа, марката MG влегува во еден од најважниот европски C-сегмент како паметен избор за возачите кои се подготвени да го прифатат електричен начин на живот. Со должина од 4.287 мм, ширина од 1.836 мм и само 1.504 мм висина, хечбекот со пет врати е совршено прилагоден на неговата конкурентна средина.
Динамичниот дизајн на MG4 е резултат на глобалниот развој, вклучувајќи го SAIC Motor Design Center во Шангај, Advanced Design Studio во Лондон и Кралскиот колеџ за уметност, исто така лоциран во британската престолнина. Впечатливите фарови и острите линии му даваат на MG4 непогрешлив и агресивен преден дел. Влијанието на острите линии продолжува до задниот дел со сложените LED задни светла преку разновиден дизајн на соодветните светлосни рабови.
Во зависност од верзијата на моделот, коефициентот на отпор на воздухот е помеѓу cW 0,27 и 0,287, благодарение на активната конфигурација на примената на воздухот за ладење во предниот долен дел. Кога е потребно помалку воздух за ладење, тој го затвора влезот, подобрувајќи ги аеродинамичните перформанси до 30 проценти и продолжувајќи го опсегот до 10 проценти.
Просторната внатрешност на MG4 е намерно дизајнирана на минималистички начин, нагласувајќи ги основните принципи на едноставност, технологија и квалитет. Кокпитот го максимизира расположливиот простор со лесни контролни елементи. Лебдечкиот дизајн на централната конзола создава повеќе простор и интегрира корисни функции, како што се складирање на паметни телефони и безжично полнење.
Со оглед на големината на автомобилот, просторот на задните седишта е навистина импресивен, додека багажникот нуди капацитет од 350 литри и 1165 литри со спуштени задни седишта.
MG4 има 7-инчна дигитална инструмент табла, како и лебдечки 10.25-инчен инфозабавен екран. Ова може да се користи за контрола на системот за поврзување MG iSMART, кој исто така поврзува паметни телефони користејќи Apple CarPlay и Android Auto, различни функции на возилото, профили за возење, климатизација и управување со полнењето.
Иновативната „ONE PACK“ батерија ја формира основата за динамичниот визуелен изглед на MG4. Хоризонталната поставеност на ќелиите на батеријата резултира со висина од само 110 мм, што ја прави да биде најтенката батерија во својата класа. Со тоа се овозможува зголемен простор за главата во внатрешноста со севкупно помала висина на возилото. Батеријата е дел од MSP платформата за електрични возила, развиена од матичната компанија SAIC Motor.
Новиот MG4 е достапен со две големини на батерии – основната батерија има капацитет од 51 kWh и користи електромотор кој испорачува 170 коњски сили. Забрзувањето до 100 км/ч тука трае 7.7 секунди, додека автономијата кај оваа верзија е 350 километри. Втората достапна батерија е со капацитет од 64 kWh и користи електромотор кој испорачува 204 коњски сили. Забрзувањето до 100 км/ч тука е 7.9 секунди, додека автономијата тука е зголемена на 450 километри. Кај двете верзии погонот е на задните тркала и максималната брзина е електронски ограничена на 160 км/ч.
Достапни се три нивоа на опременост: Standard, Comfort и Luxury (достапно од Септември). Цените започнуваат од 33.900 евра.
Повеќе информации за автомобилот може да најдете ТУКА или да го посетите продажниот салон на MG Motor во Ми-Да Гранд Моторс комплексот.
