Новата генерација на Mercedes-AMG C 43 е тука! Достапен e во седан верзија, како и во караванска изведба. Новиот C 43 се одликува со целосно нов мотор кој е поддржан од mild-hybrid технологија и специјално подесена шасија превземена од поновите AMG модели во понудата на Mercedes.
Новиот C 43 е базиран на ажурирана верзија на MRA платформата од претходната генерација на C-Class. Но, новиот Mercedes-AMG C 43 сега нуди постојан погон на сите четири тркала. Системот за погон на четири тркала 4MATIC нуди конфигурација со пристрасност на задната оска и испорачување до 69% од моќта на задните тркала. Што се однесува до перформансите, новиот C 43 од 0 до 100 км/ч забрзува за 4.6 секунди и има максимална брзина електронски лимитирана на 250 км/ч, но Mercedes нуди опционален AMG Driver’s Package кој ја зголемува максималната брзина на 265 км/ч. Сопирачките се исто така зголемени за да се справат со дополнителната моќност. C 43 добива вентилирани шест-клипни сопирачки напред со дискови од 370 мм.
Како што се и очекува од Mercedes со ознака AMG, програмата за избор на режим на возење е обемна. Постојат пет програми „AMG Dynamic Select“ – Slippery, Comfort, Sport, Sport+ и Individual. Програмите Sport и Sport+ ја зголемуваат одзивноста на моторот, го забрзуваат однесувањето на менувачот при менувањето на брзини, а суспензијата и управувањето се подесени да бидат поагилни. Адаптивни амортизери се стандардни и тие постојано го прилагодуваат профилот на амортизерот за да одговараат на стилот на возење и состојбата на површината на патот. Mercedes нуди три различни поставки за амортизација во рамките на својот систем „AMG Ride Control“ – Comfort, Sport и Sport+.
Новиот C 43 го вклучува новиот дизајнерски јазик на Mercedes што го видовме на најновите модели E-Class и A-Class. Напред има голема решетка специфична за AMG со вертикални хромирани потпори и поагресивни доводи за воздух. Назад има поагресивен дифузер со двојни издувни цевки. Стандардно, C 43 добива тркала од 18 инчи, додека 19 и 20 инчни се достапни како опција.
Како и надворешноста, внатрешноста е во препознатлив Mercedes стил. Бидејќи станува збор за спортската верзија во кабината може да се најдат црвени контрастни шевови, црвени безбедносни појаси, спортски bucket седишта, спортски педали AMG и волан со рамно дно кој придонесуваат за подинамично и попривлечно чувство во кабината.
Инфозабавниот систем MBUX е ист како и во обичната C-Class, освен што е додадено копче за кратенка за „Dynamic Select“ на AMG. Ова прикажува податоци при користење на автомобилот на патека. Mercedes го означува како „AMG Track Pace“ и прикажува податоци специфични за возилото, како што се брзина, забрзување, агол на управување, активирање на педалата на сопирачките, времиња на кругови и разни алатки за анализа. Просторот за багажникот е ист како и во обичната C-Class доколку го изберете седанот (455 литри) или караванот(490 литри).
