Hyundai претстави ексклузивна и лимитирана верзија на i30 N и i30 Fastback N – наречена i30 N Drive-N Limited Edition. Оваа уникатна верзија го обезбедува истото спортско искуство во возењето како и стандардните i30 N модели, но е дополнето со карактеристичен надворешен и внатрешен дизајн. Производството е започнато, а ќе бидат направени вкупно 800 примероци, од кои само 620 примероци се наменети за европскиот пазар.
За да се развие i30 N Drive-N Limited Edition, Hyundai го подобри тековниот i30 N користејќи повратни информации од пазарот, критики од автомобилските новинари и инспирација од „N-тузијастите“. Ексклузивната верзија е достапна во две каросериски изведби – хечбек или фастбек, како и две ексклузивни бои за надворешноста – Phantom Black Pearl и новата Serenity White Pearl. i30 N Drive-N Limited Edition доаѓа е достапен и со мануелен менувач и со 8-степениот N DCT автоматски менувач.
i30 N Drive-N Limited Edition стандардно доаѓа со Performance Package. Го задржува истиот 2.0-литарски турбо бензинец кој испорачува 280 коњски сили, моторот овозможува „рамна“ моќност, што генерира повеќе вртежен момент и моќ при пониски вртежи во минута за да го искористи потенцијалот на моторот во секојдневните ситуации на возење.
Како и кај новиот i30 N, верзијата со N DCT автоматски менувач на i30 N Drive-N Limited Edition овозможува три специјални N функции за уште поспортско искуство: N Power Shift, N Grin Shift и N Track Sense Shift. Со користење на копчето N Grin Shift (NGS), автомобилот ќе добие засилување од дополнителни 10 коњски сили за 20 секунди.
Надворешниот и внатрешниот дизајн на i30 N Drive-N Limited Edition се пренесени од новиот i30 N за да го обезбедат истото забавно искуство во возењето обвиено во еден поексклузивен пакет.
Надворешноста има 19-инчни forged алуминиумски бандажи во темно бронзена мат боја, црни значки, специјални стикери на страните и две Drive-N ознаки во темно бронзена мат боја на страничните браници. Ознаките на i30 N Drive‑N Limited Edition ги прикажуваат и GPS координатите на домот на моделите N – тест центарот на Hyundai Motor Europe во Нирбургринг, Германија. Автомобилите со високи перформанси на Hyundai се развиваат, тестираат и усовршуваат на Nürburgring-Nordschleife од 2011 година.
Внатрешноста е опремена со уникатна значка, што ја прикажува нејзината позиција меѓу ограничениот волумен од вкупно 800 примероци. Наместо во кожа, воланот, рачката од менувачот, потпирачот за рака и рачната сопирачка се обвиени во алкантара со црвени шевови. Сите дополнителни акценти што го украсуваат ентериерот се во црвена боја. Ова се однесува на безбедносните појаси напред и назад, копчињата N на воланот, како и на дизајнот и шевовите на специјалните N Light Bucket седишта.
