Ford претстави специјална изведба за Mustang по повод 55-годишнината на моделот. Овој модел добива уникатен пакет за надворешноста, надграден ентериер и голем број на ексклузивни “55” беџови. Продажбата за овој специјален модел ќе започне во Август.
Mustang 55 добива нови уникатни 19-инчни бандажи, црна предна решетка, опционален заден спојлер, уникатни црни беџови, црн покрив и многу друго. Овој модел ќе биде достапен во Fastback и Convertible изведби.
Во ентериерот добивате Bang & Olufsen аудио систем со 12 звучника, 8-инчен дисплеј за infotainment системот и греење и ладење на предни седишта. Моделите со 6-степен мануелен менувач добиваат уникатна рачка за менувачот, а може да одберете и автоматски менувач.
Моторот кој го користи оваа специјална едиција е 5.0-литарскиот V8 атмосферски бензинец со 450 коњски сили и 527Nm вртежен момент, а силата се пренесува на задните тркала. Моделите со автоматски менувач од 0 до 100 км/ч забрзуваат за 4.8 секунди, а максималната брзина е електронски ограничена на 250 км/ч.
