Ова е едно од оние освежувања каде промените тешко се забележуваат. Па ајде да покажеме со прст кон нив. Audi одлучи да не „чепка“ премногу работи на надворешниот и внатрешниот дизајн на A6 и A7 – и реално не е потребно бидејќи овие модели изгледаат навистина добро.
Фотографии од маскирани примероци на Audi A6 веќе долго време кружат на интернет. Камуфлажата ефикасно ги сокри промените, иако од самиот почеток се знаеше дека тие нема да бидат револуционерни. Никој не згреши овде – Германците само малку го освежија овој автомобил и не почестија со речиси никакви атрактивни новитети.
Што има ново кај освежениот Audi A6? – Да почнеме со надворешниот дизајн. На прв поглед нема промени. Треба да обрнете големо внимание на предната решетка и браникот – ова се оние кои се најмногу модифицирани. Ќе бидат достапни вкупно три нивоа на опременост – Basic, Advanced и S Line, кои ќе се разликуваат во деталите за овие елементи. Своето деби во гамата го прават и новите дизајни на алуминиумски тркала од 18 и 19 инчи. Основниот А6, пак, излегува со нови 17-инчни алуминиумски тркала.
Во понудата дебитираат и нови бои. Arcona White и Madeira Metallic Bronze боите ја комплетираат целата палета на модели. Во верзии со буквата S во името, ќе видиме и нијанса на Grenadine Red (познато од постарите модели на Audi) и Ascari сина боја.
Има и минимални промени во кабината – Audi A6 добива нова 12,3-инчна инструмент табла како стандард. Досега, основните верзии сè уште имаа аналогни инструменти кои беа поврзани со екранот во боја на вградениот патен компјутер. Малку се освежени и додадени се нови елементи на тапацирот.
Слични новости може да се најдат и кај освежениот Audi A7. Овде разликите се ограничени на достапните варијанти. Kaj A7 имаме избор помеѓу Basic и S-Line нивоа на опременост – тука нема Advanced верзија. Во овој случај, разликите се ограничени и на стилот на решетката, браниците и бандажите.
Audi не воведува ништо ново под хаубата. Новите Audi A6 и A7 ќе се појават на пазарот со непроменет опсег на погонски единици. Ова значи дека опсегот го отвораат единици со ознака 35TDI (2.0 TDI 163 КС) и 45TFSI (2.0 265 КС). Достапни се и помоќни верзии кои користат 3.0-литарски дизел мотор – 45TDI (3.0 V6 245КС) и 50TDI (3.0 V6 286КС). Дополнително во понудата се достапни и две PHEV верзии со 299 коњски сили и со 367 коњски сили.
Палетата ја комплетираат спортски S6 и S7 верзии, опремени со моќен 3.0-литарски V6 TDI дизел мотор кој испорачува 344 коњски сили и 700 Nm вртежен момент.
