Во салонот на Mitsubishi во Скопје пристигна многу интересна изведба на кросоверот Eclipse Cross.
Конкретниот модел е со „Black Edition SAM“ пакет кој додава карбон детали со црвена лента на долниот дел од предниот и задниот браник, на страниците под вратите, а предната маска наместо хромирана тука е црна. Се добиваат и 18-инчни алуминиумски бандажи, нормално, во црна боја. А на задниот дел е поставен и поголем кровен спојлер. Сите овие детали му даваат еден спортски и необичен изглед на Eclipse Cross. Доколку не сте фанови на црна боја, не се секирајте оваа изведба е достапна и во други посветли бои.
Ентериерот нема некои преголеми измени во споредба со другите изведби, освен тоа што добивате делови на вратите и централната конзола во карбон трим, црн кров во внатрешноста, како и делови во сјајно црна боја. Како опција може да одберете и кожни седишта кои доаѓаат во пакет со панорамски сончев кров. Моделот што е пристигнат во салонот на Mitsubishi е опремен со многу дополнителна опрема која вклучува- Head up дисплеј, греење на ветробранско стакло, греење на волан, греење на предни и задни седишта, 7-инчен infotainment дисплеј со поддршка за Apple CarPlay и Android Auto, предни и задни паркинг сензори, 360 степени камера за паркирање, Lane keeping assist, Blind Spot assist,forward collision mitigation system, Rear cross traffic alert, Emergency stop system и многу друго.
Новост е и 2.2-литарскиот турбодизел мотор со 150 коњски сили и 388Nm вртежен момент, а силата ја пренесува кон сите четири тркала преку 8-степен автоматски менувач со двојна спојка. Забрзувањето од 0 до 100 км/ч трае 11.4 секунди, а максималната брзина која може да ја постигне е 193 км/ч. Eclipse Cross е достапен и со 1.5-литарски турбо бензинец со 163 коњски сили и може да одберете мануелен или CVT менувач.
Повеќе информации за возилото може да најдете ТУКА.
