Денес во салонот на Volkswagen во Скопје, целосно новиот електричен ID.7 ја имаше својата македонска премиера. Брендот отвора уште едно поглавје во својата историја со новиот ID.7. Првиот лифтбек модел кој се приклучува на ID семејството. Ова е прецизен термин, бидејќи овде акцентот е ставен на практичноста во комбинација со добриот изглед. Volkswagen ID.7 има аеродинамична силуета и нуди долг досег.
Физиката е најголемиот непријател на електричните автомобили – но може да биде и нивен пријател. Се разбира, се работи за коефициентот на отпор. Колку е помал, толку е поголем досегот и помала е потрошувачката на енергија. И ова е многу важна работа за возачите на електрични автомобили. Volkswagen направи интересен концепт овде. ID.7 е автомобил кој теоретски ги комбинира карактеристиките на Passat и Arteon, но дефинитивно е поблиску до вториот модел. Стилот е изведен од други модели од ID семејството, иако тука се претставени некои уникатни детали. Задниот дел се одликува со широки светла поврзани со LED лента. Истото се случува и напред – тесните светла имаат карактеристични „мустаќи“ кои водат до логотипот на брендот.
Внатрешноста е развој на концепти од други ID модели. Германците овде јасно се фокусирале на најкритикуваните елементи. Значи имаме подобри материјали и попрефинета мултимедија. Не се заборавени ниту осветлените копчиња за климатизација и за јачината на звукот. Многу луѓе ја чекаа оваа промена.
Екранот за инфозабавниот систем овде е со големина од 15 инчи и нуди нова подобра графика. Промената на распоредот на менито е за полесно користење на сите функции. На пример, климата е целосно регулирана од мултимедијално ниво, иако главно работи целосно автоматски. Дури и насоката на протокот на воздух од отворите за вентилација се поставува автоматски. Ова е карактеристика што Volkswagen ја воведе во Phaeton пред неколку години.
Volkswagen ID.7 е голем автомобил и тоа се покажува во кабината. Со должина од 4.961 мм и меѓуоскино растојание од 2.966 мм, игра во лига на доста големи автомобили. Помеѓу тркалата, беше можно да се создаде не само пространа кабина, туку и голем багажник. Багажникот има капацитет од 532 литри, а со спуштени седишта капацитетот се зголемува на 1586 литри. Затоа, семејните патувања не треба да бидат проблем.
На почетокот, во понудата е достапна само една верзија, која го носи името Pro. Оваа верзија добива батерија од 82 kWh (77 kWh употребливи). Дополнително, ID.7 има и целосно нов, високо ефикасен електромотор кој испорачува 286 коњски сили и 545 Nm вртежен момент. Ова е доволно за забрзување од 0 до 100 км/ч за 6.5 секунди и максимална брзина од 180 км/ч. Силата се испраќа само на задните тркала, а во иднина би требало да има и верзија со погон на сите четири тркала. Според официјалните податоци, оваа верзија на ID.7 со полна батерија може да помине до 621 километар. Дали оваа бројка е реална? Тоа ќе го провериме кога автомобилот ќе пристигне на тест.
Во однос на опремата кај оваа Pro верзија, стандардно се добива навистина се што ви е потребно, а можеби и повеќе од тоа. Дел од опремата вклучува: LED предни и задни светла, адаптивен темпомат, амбиентално осветлување, Light Assist, греење на предни седишта, топлинска пумпа, паркинг сензори напред и назад, паркинг камери, Travel Assist, Front Assist, Lane keeping Assist, 15-инчен инфозабавен систем и многу, многу друго.
Почетната цена за Volkswagen ID.7 Pro изнесува 69.692 евра.
Повеќе информации за автомобилот може да најдете ТУКА или да го посетите продажниот салон на Volkswagen.
